Mek (BM entry)

Salam,

Tadi ambo tengok drama "Mek" kat TV1. Drama mace komedi. Boleh tehe ceghito dio. Jale ceghito mudoh jah sbb pasal Kamal hok bose denge tune dio, gi laghi ko Kelate. Dio wat alase nok wat kijo dio. Pahtu dio kene' ko Mek. Mek tu meme lemoh lembut keceknyo. Kamal tu memela suko ko Mek sbb tune dio "Queen control". Doh tune tu pun bos dio dan meme keluargo kayo rayo. Nok pendek ceghitonyo, Kamal nikoh denge Mek jugok walaupun tune dio maghi maso akad nikoh dio. Tune dio, Sophia royak dio pung jupo oghe lain doh.

Bilo tengok ceghito tu ambo teringat denge ceghito ambo sediri. Mace mok pado Mek tu Mek Jah, mulo2 tok kene ko oghe luar. Dio nok Mek nikoh oghe Kelate jugok sbb tok sey bui Mek ikut tok laki duduk jauh. Ambo bukela mace Mek tu sgt hok lemoh lembut. Tapi bab tok leh nikoh oghe luar meme banyok lagi oghe Kelate hok tok sey bui. Tapi kalu doh jodoh nok wat ghano. Ambo dulu pung bukenyo sengajo tok sey ko oghe Kelate tapi hok dop maghi tanyo semuo pung tanyo maso ambo dok ngaji lg. Ado hok maghi ngaku sedaro padahal tok ghajin napok bate idung pung sebelum tuh.

Balik mula ceghito tadi, bulihla tehe wat hibure male2. Ceghito tok beragh sgt. Cumo pelakon2 tu mace pelik jah kecek Kelate tok berapo jadi. Patutnyo semula2 ambikla oghe Kelate sunggoh berlakon baru "ori".  Ni mace bunyi Ore Siam (Sie) jah.