Rayo ni teringin nok make mknan tradisional dibuat dr pulut. (BM & Kelantanese dialect entry)

Salam,

Sebenarnyo ambo ingat tok se tulih entri baru doh, tapi bilo lps 4 thn tok berayo di Malaysia (raya di NZ) tambah2 tok berayo di Kelate, meme dok teringak thn nio nok balah dende. dendam ko sapo tok tahula :P Dulu, tiap2 thn dr thn 2007 hingga 2009, tiap kali rayo nok make Ketupat Pulut kosong, Ketupat Pulut Sambal Daging, Ketupat Pulut Hite, Tapai Pulut dan Pulut Dakap.

Rhajin dengar dop namo2 tu? Kalu asal dr Kelate, mesti tahu. Utk yg tok tahu, silalah tengok gambar2 yg diambik dr Mr. Google. (balik rayo nanti, baru ambo ambik gambar2 hok asli ok)

Ketupat Pulut Kosong & Ketupat Pulut Hite (Hitam) & Ketupat Pulut Sambal Daging

Dari luar napok samo tapi yg bezonyo kat dle. Kalu kosong maknonyo ado pulut biaso dgn kace.

Kalu pulut hite, adola pulut warno hite tu. Kalu hok ado sambal daging (serunding), lagi sedap sbb ado 

pulut dgn inti dio. Meme kenyangla kalu make sebutir duo tupat pulut ni.

Tapai Pulut

 

Kalu make tape pulut ni ado pate tau. Gapo dio? Jge make tapai pulut ni, lps tu minum air oren dgn make 

sekut2 campur dgn kek lps tu make lg nasi dage ko. Huhu. Kalu campur mace2, alamatnyo jdla penunggu dle bilik air. Ambo royak sbb banyok kali rayo doh ambo keno tau. Tapi tapai pulut ni, mmg nyum nyum.....

Pulut Dakap 

Bakpo namo dio Pulut Dakap? Tengokla gambar tu. Pulut tu keno ikat pahtu mace berdakap. Dle pulut tu ado inti pise. Raso dio manis. biasala kuih2 kelate mesti manis sokmo mace cek2 mek dio :p Ni buke sokmo ado maso rayo, tapi ambo dok teringat kalu boleh cari bilo balik nanti. 

Hishh......teruknya rasa puloak sbb esok ada satu lg puasa tapi ambo dok cerita pasal hal2 mknan di sini. Harap maaflah ambo yg mengidam walaupun tak mengandung ni ye :P setelah bertahun2 beraya di perantauan. Mungkin ada yg nak berkongsi mknann2 tradisional yg anda suka sewaktu raya? Silakanlah. (ore kelate kato selakkan buke selak kain deh)